Sanjâ'na Khalil Satta Èlman
Maca Mata
//
èajhuma
ghân sèttong, tapsèr-tapsèr sè ngalotor
ḍâri
ngen-angenna sèttong ka bulâ.
ngarep
sajhâghât malaṭhè ngojhân ḍâ’ pamengkangnga atè.
//
bhâ’
bhenḍerrâ aèng mata sè ngacernang-soccè
ngaremmes
ḍâri mata ghânèko
è buḍi
arè bhâkal aghili ka ḍâḍâ bulâ.
//
bân
bhâ’ teppa’a neng è mata ghânèko kèya
;ḍângḍâng-ḍângḍâng
ambu sè ngabbher è langngè’na rassa.
;rong-kerrong,
ḍâ-tanḍâ alèyot ngokèr calkongnga ḍâḍâ.
Mata
Tarèsna, Maret 2020
Maskumambang
jhâghât
bulâ ghi' ngambâng è jhennèngnga
aèng
ebbhun sè toron ghellâ' sobbhu:
èonjân
serro, kettèr ḍâḍâ aonḍhu ta' bu-ambu.
dhika
mangkat,
adhina
mèsem ta' aharkat.
Mata
Tarèsna, 19 Juli 2020
Artatè
bhâ'
sapa sè bisa nambhâ' ghumighil kerrong
ḍâlem
sobbhuna tarèsna. sanajjân coma
kalabân
ajhângo arè sè ghi' asèla è
palèmpèrra
pajjhâr. è tèmorra langghâr.
Ghâppora,
Juli 2020
Ra’-tèra’
Tana
ebbhun
sè nèngghâ' è pèpèna ḍâun ghi' ta' ghughur
"ngantosa
mekkarra sonar è tasè' tèmor.", ca'na.
okara-okara
ghumighil è serraddhâ tarèsna
bhâ'
mèsem sè bârâmma, bisa maanga' bâdhânna.
oddhi'
èḍingngaghi sèyolla kojhu' sè ghi' ta' manḍi
manandhâng ḍâunna perrèng se acerrèng.
langngè'
èabâssaghi pon mèra marḍâ
tanḍhâna,
ebbhun kodhu siap sè bhânasa.
bân
bulâ bhâkal abâli polè,
kalabân
ngèbâ sanjâ' sè aḍhâsar jhennèngnga atè.
Bhâttangan,
22 Juli 2020
Taresna
Mata
:sabâtara loka
[1]
ḍâri
karettek bulâ arantep otek bân ngarep
ngalotorra
ḍâun sè bhiru
ta’
ghughur ka ngamparra tana kajâl ḍâḍâ bulâ
asabâb
è ka’ḍinto kèya, kabâ’-kabâ’ pon dhâddhi
paghârra
tarèka; ngalang mekkara è nèmor kara.
pangèsto
pon kaḍung dhâddhi sampayan ta’ atèyang
;èpajhemmorè
kalambhi-kalambhi nèspa ta’ satara bân sè biyasa.
ḍuh,
panassa arè talèbât ngekkè’ ka bun-embunan
sabâtara angèn sè ceddhu ta’ kellar malèmbây un-ḍâunan.
[2]
mèsem
takèpè’ seppè. nangès, aèng matana ngalocor
ka ghenṭhongnga
atè. akalampoyan, bhâ’ bilâ sè kessabhâ?
bân è
bibir ghânèko kèya, sato’or tanjhung, sakaranjhâng mabâr,
sarentèng
malaṭhè. èlop-kakerrèngan ta’ jhenno polè.
ḍuh, bhâ’ napè sabâbbhè, mangkana du’a bân pangèsto
ampon
èkasanḍhing è bhân-sabbhân serghu’na nyabâ.
[3]
bân
anèko mènangka sanjâ’ kalabân satonḍun okara
sè ajhârbè’aghi pangghibâddhâ tarèsna mata;
ju-kajuwân
èpelko’ angèn; bhârât. dhâddhâli aposangan-
atabuyân
nyarè pangaobhân. ban omba’ sampe’
masempal
kamoddhina sampan. è ghâlurrâ aloran.
ḍuh,
mangkana tarèsna ampon ta’ èpabâtes-ta’ èpamaddhu
tapè
ghâluḍhugghâ ḍâḍâ ngaghâruḍu’ ta’ bu-ambu.
[4]
tarèsna
mata: amowara’aghi songay aèng mata.
Mata Tarèsna, 1 Maret 2020
Khalil Satta Èlman,
nama pena dari Khalilullah lahir di Pulau Poterran, Sumenep, Madura, 7 Mei
2003. Menulis puisi dalam dwibahasa, Indonesia dan Madura sejak duduk di bangku
Tsanawiyah. Puisi Bahasa Madura-nya sering dimuat di Radar Madura dan Majalah
Jokotolè (Balai Bahasa Jawa Timur), sedangkan puisi Bahasa Indonesinya tersiar
di surat kabar dan online, juga terangkum dalam antologi bersama a.l.; Jazirah;
Jejak Hang Tuah dalam Puisi (2018), Jazirah 2; Segara Sakti Rantau
Bertuah (2019), Perihal Matinya Si Pemuda (2019),Gus Punk; Puisi
untuk Gus Dur (2018), Meminang Putri Dewa (2018), Mahligai Penyair Titi
Payung; Mengenang Damiri Mahmud (2020), Pringsewu Kita (2020), Gambang
Semarang (2020), Rantau; dari Negeri Poci 10 (2020)dll. Saat ini
masih nyantri di PP. Al-Ghufron (Battangan) dan masih tercatat sebagai siswa
kelas XII prodi IPS/2 di MA Nasyatul Mutaallimin (1) Gapura Timur, Gapura,
Sumenep, Madura. Aktif di Komunitas Asap dan Sanggar Biru Laut. Email:
khalil.zafra@gmail.com. Facebook: Khalilullah/Khalil Satta Elman II. WA: 085925750454
0 komentar: